Hüquqi Ekspertiza və Qanunvericilik Təşəbbüsləri Mərkəzində normayaratma fəaliyyəti və hüquq normalarının tətbiqi sahəsində praktiki biliklərə yiyələnmək istəyən hüquq fakültəsinin III kurs tələbələri üçün təşkil olunan 1 aylıq təcrübə proqramı başa çatıb.

Bu müddət ərzində təcrübə proqramında iştirak edən Bakı Dövlət Universitetinin tələbəsi Mədinə Əliyeva və ADA Universitetinin tələbəsi Məleykə Salamzadə Hüquqi Ekspertiza və Qanunvericilik Təşəbbüsləri Mərkəzinin işi, hüquqi akt layihələrinin hazırlanması, normayaratma texnikası, hüquqi ekspertizanın aparılması qaydaları ilə tanış olub, müxtəlif məsələlərlə bağlı beynəlxalq təcrübənin araşdırılması, təhlili, habelə bəzi sənədlərin hazırlanması işinə cəlb ediliblər.

Təcrübə proqramını uğurla başa vuran tələbələrə Mərkəzin İcraçı direktoru Samir Mahmudov tərəfindən sertifikat təqdim olunub.