Hüquqi Ekspertiza və Qanunvericilik Təşəbbüsləri Mərkəzində normayaratma fəaliyyəti və hüquq normalarının tətbiqi sahəsində praktiki bilik və bacarıqların artırılması məqsədilə hüquq fakültəsinin tələbələri üçün nəzərdə tutulan 3 aylıq təcrübə proqramı uğurla yekunlaşıb.

Təcrübə proqramı çərçivəsində Bakı Dövlət Universitetinin III kurs tələbəsi Fidan Allahverdiyeva Mərkəzin fəaliyyəti ilə yaxından tanış olub, hüquqi akt layihələrinin hazırlanması, normayaratma texnikasının əsasları və hüquqi ekspertizanın aparılması qaydaları üzrə praktiki biliklərə yiyələnib. Eyni zamanda müxtəlif hüquqi məsələlərin araşdırılması və təhlili, eləcə də müvafiq sənədlərin hazırlanması prosesində fəal iştirak edib, Mərkəz tərəfindən keçirilən təlimlərə cəlb olunub. Bununla yanaşı, Mülki Məcəllənin Konsepsiya sənədinin hazırlanmasında yaxından iştirak edib.

Təcrübə proqramını uğurla başa vuran təcrübəçiyə Hüquqi Ekspertiza və Qanunvericilik Təşəbbüsləri Mərkəzinin İcraçı direktoru Samir Mahmudov tərəfindən sertifikat təqdim olunub.